Assalamu’alaikum Wr. Wb.

Kanda/Saudara/Dinda Alumni SAKMA/STMA/ATIP yang saya cintai,

Dengan rasa Syukur Kehadhirat Allah SWT saya coba untuk memberanikan diri menulis secara ringkas sejarah berdirinya HASTA Cabang Duri, saya yakin tulisan ini jauh dari sempurna dan untuk itu mohon kritikan ataupun masukan yang membangun. Terlebih dulu saya mohon maaf masih banyak nama kawan-kawan yang ikut berjuang mempertahankan eksistensi Alumni tidak dapat saya sebutkan dalam rangkuman ini karena keterbatasan memory saya, dan tidak ada niat untuk mengecilkan arti peran sertanya.

Tulisan ini saya oret guna memenuhi permintaan Adik-Adik moderator milis Hasta-Padang sebagai bagian kecil sejarah HASTA secara keseluruhan

Awal tahun 1984, kutiko ambo manginjakkan kaki ditangah hutan Riau, tapeknyo kota ketek Duri, untuak mancari parbaikan nasib satalah 9 tahun bajuang  jadi kuli abu di Semen Padang (Laboratorium Produksi), wakatu itu kalau indak salah baru ado tigo urang Alumni kito di Duri yaitu; Kanda Maswardi Firmansyah (STMA-71), Kanda Wilman HS (SAKMA-72) sarato Dinda Idriawadi (STMA-77, nan juo alumni Semen Padang), ambo ditarimo jadi kuli minyak mantah di Caltex Duri dibagian pergudangan. Jadi karir ambo di Chevron (d/h Caltex) hanyo babega dari Warehouse ka Project Execution taruih pulo ka Procurement, iyo alah lamo bana indak mamacik buret/erlenmeyer apolai X-ray analyzer.

Di awal-awal ambo mulai manyasuaikan diri di Duri, dicubo-cubolah mancari alamat baliau nan batigo tu. Sakali wakatu basuo surang taruih batuka pangalaman sarato minta informasi tantang kawan-kawan nan lain, dilain wakatu basuo pulo jo nan lain pun juo baitu. Taraso bana kurang langkoknyo pargaulan karano jarang basuo jo kawan sapaguruan, baitulah nan ambo rasokan sampai awal tahun 1986.

Partangahan tahun 1986, kutiko alah mulai batambah juo alumni kito masuak Caltex, tarutamo kawan-kawan nan samo-samo dari Semen Padang, mako ambo cubo-cubolah untuak mangumpuakan kawan-kawan tu, babarapo kali kami bakumpua dirumah nan disalangkan perusahaan bakeh ambo. 

Manjalang akhie tahun 86, masih ditampek nan samo, kami bakumpua kasadonyo alumni nan ado di Duri. Dari siko disapakatilah untuak mandirikan HASTA Cabang Duri dengan tujuan untuak menghidupkan kambali tali peresaudaraan nan parnah terbina salamo basikolah di Klenteng dan Juanda, jo susunan penguruih:

          Ketua            : Maswardi Firmansyah

          Sekretaris     : Chairman Djalall

          Bendahara     : Rizeltri

Satalah bajalan babarapo bulan, Kanda Maswardi manyarahkan kapado ambo untuak mamimpin organisasiko. Sairiang makin batambah juo alumni SAKMA/STMA di Duri tamasuak pulo alumni ATIP, kalau indak salah sakitar akhie tahun 91 disapakatilah untuak manggabuangkan katigo alumni itu manjadi IKABESSAT (Ikatan Keluarga Besar SAKMA/STMA/ATIP), dengan susunan panguruih:

          Ketua            : Chairman Djalall (STMA/ATIP)

Sekretaris     : Irwan Munir (STMA/ATIP)

Bendahara     : Helma (ATIP)

Bukan barati penguruih didominasi oleh alumni ATIP, akan tetapi asalnyo kan STMA juo. Kami cukuik kompak dalam mambina raso kakaluargaan, kadang ado pengajian, babuko basamo, Halal bi Halal, baitu juo manyilau kawan nan sakik atau dapek kamalangan lainnyo.

Sekitar tahun 94 organisasi ko dikomandoi oleh Dinda Irwan Munir basarato babarapo anggota nan labiah mudo, kami nan tuo kan harus tahu diri.

Satalah babarapo tahun agak vaccum (mungkin alah jenuh pulo kawan-kawan), sekitar 2001 kami adokan regenerasi kepangurusan dibawah komando Rokey (STMA/ATIP). Roda kakaluargaan mulai manggarik baliak dengan makin banyaknyo alumni di Duri, kalau indak salah alah labiah 50 urang (ado nan jadi guru di babarapo sekolah).

Awal tahun 2004 ambo dipindahkan ka Rumbai, otomatis ambo indak bisa mangikuti laju organisasi kito di Duri, tapi sayang satalah 2 tahun ambo di Rumbai tanyato HASTA Pekanbaru nampanyo sadang matisuri, indak ado tadanga suaronyo lai.

Mudah-mudahan tulisan singkekko ado gunonyo, tarutamo untuak adiak-adiak generasi panaruih HASTA.

Wassalam,    

Chairman Djalall (STMA-73/ATIP-81)